Oscar 2011

Fevralın 27-si 2011-ci il Academy film mükafatverməsinin 83-cüsü  öz sahiblərini tapdı. Demək olar bütün mükafatlar əvvəlcədən təxmin olunan və alması ehtimalı daha yüksək olan sahiblərə verildi. Yəni böyük sürpriz olmadı. Ən yaxşı film mükafatını(Best Picture)  "The King's Speech", baş rolda ən yaxşı qadın oyunçu (Actress in Leading Role) "Black Swan" filmindəki rolu ilə Natalie Portman, baş roldakı ən yaxşı kişi oyunçu isə (Actor in Leading Role) "The King's Speech" fimindəki rolu ilə Colin Firth aldı. Bundan başqa mükafat alan filmlər arasında "İnception", "Toy Story 3","Alice in Wonderland" və "The Social Network" kimi məşhur filmlərdə var idi.

İndi isə gecənin ən önəmli hadisəsi, əlbəttəki, "Qırmızı Xalça" törəninə ulduzların nə geyindiyinə nəzər salaq. Gecənin sürpriz rəngi qırmızı idi. Bir çox qonaq gecəyə qırmızının tonlarındakı geyimlərlə gəlmişdi. Açığı qırmızı xalçaya qırmızı geyimlərin yaraşmadığını düşünürəm. Oscarın bu ilki aparıcılarından olan Anne Hathaway Valentino-nun 2002-ci il Haute Couture arxivindən özəl bir geyim seçmişdir. Boyunbağısı isə Tiffany&co dandır. Sandra Bullock-un qırmızı Vera Wang seçimini daha çox bəyəndim. Jennifer Lawrence-nin Calvin Klein Collection dan seçdiyi geyimi gözəldir. Amma Oscar törəni üçün həddindən artıq sadə olduğunu düşünürəm.Ziynət əşyaları isə Chopard-dandır. Javier Bardem ilə gecəyə qatılan Penelope Cruz geyimini  L'Wren Scott imzalı tünd qırmızı tonlarda seçmişdi.Təzə ana olmuş biri üçün geyimini dekalte hissəsinin həddindən artıq böyük olduğunu düşünürəm. İstər-istəməz rahatsız edici bir görüntü ortaya çıxır. Kathryn Bigelow isə sadə kəsimlərdəki, yaşına uyğun Yves Saint Laurent libas ilə gecədə gözəl görsənirdi.Jennifer Hudson  Atelier Versace geyimi ilə gecənin ən pis görünən xanımı idi. Tək kəlimə ilə bərbad.

Gecənin ən gözəl seçim etmiş xanımlarını məhz bu fotoda toplamaq istədim. Mila Kunis Elie Saab imzalı tül libasında həddindən artıq gözəl görsənir. Bir digər gözəl görsənən xanım isə Mandy Moore idi. Xanım bol daşlı geyimini Monique Lhuillier-dan seçmişdir. Ziynət əşyaları isə Harry Winston -dur. Cate Blanchett Givenchy-nin son sənət əsəri Haute Couture kolleksiyasından möhtəşəm və fərqli bir libas ilə gecəyə qatılmışdır. Bu günə qədər qırmızı xalçalarda gördüyüm ən gözəl geyimlərdən idi. Sadə ziynət əşyaları isə Van Cleef & Arpels-dən idi. Michelle Williams isə Chanel Haute Couture geyimi və Harry Winston ziynət əşyaları ilə hər zamankı kimi çox gözəl görsənirdi. Scarlett Johansson-a Dolce&Gabbana tül geyimini çox yaraşdırdım amma dağınıq saç modelini heç bəyənmədim. Natalie Portman-ın mükafat aldığı Black Swan filmindəki geyiləri də hazırlayan Rodarte Oscar üçün aktrisaya romantik  geyim hazırlamışdır.Hamilə xanım üçün qırmızı xalçaya seçiləcək ən uğurlu geyimlərdəndir. Ziynət əşyaları Tiffany & Co,ayaqqabıları isə Jimmy Choo-dur.

Hilary Swank Gucci Premiere-də çox gözəl görsənir. Tək əksik isə geyimin üst hissəsinin açıq olmasına baxmayaraq heç bir ziynət əşyasından, nə sırqa, nə də boyunbağıdan istifadə etməməsi idi. Sharon Stone-un Dior tək çiyin geyimini heç bəyənmədim. Saçları da bərbad görsənir. Bəyəndiyim tək şey isə Dior klarçdır. Nicole Kidman da Dior Haute Couture kolleksiyasından seçim edib. Fərqli və gözəl görsənir. Lakin möhtəşəm olduğunu deyə bilmərəm.Qırmızı Pierre Hardy ayaqqabıları isə geyimə çox yaraşıb. Amy Adams-ın L'Wren Scott imzalı mühavizakar kəsimlərdəki geyimi rəng və kəsim olaraq çox gözəldir. Bu geyimlə 1.35 million deyə taxdığı, geyimlə heç bir əlaqəsi olmayan, görünüşü bərbad edən Cartier boyunbağısı da çox gözəldi. Lakin bu geyimlə,bu boyunbağı heç cür bir araya gələ bilməz. Celine Dion-un Bulgari-dən seçim etdiyi yenə çox qiymətli boyunbağı isə Armani Prive geyiminə çox yaraşıb. Bu cür qiymətli ziynət əşyalarını yaxa hissəsi açıq geyimlərlə taxılması ən vacib şərtlərdəndir.14 yaşındakı Hailee Steinfeld isə Marchesa libasında sanki bir prinçesa idi.Ferragamo ayaqqabı və klarçı, eyni zmanda sadə tacı çox gözəldir.

Reese Witherspoon-un Armani Prive ağ-qara geyimini heç bəyənmədim.Yaşından böyük görsənir.Gwyneth Paltrow-un qırmızı xalçada daha uğurlu seçimlərini gördüyüm üçün açığı bu Calvin Klein geyimi bəyənmədim.Ziynət əşyaları Louis Vuitton-dır.Marisa Tomei 1950-ci il vintage Charles James kolleksiyasından seçim etdiyi geyimdə bərbad görsənir. Helen Mirren hər zamankı kimi kraliça gözəlliyində idi. Geyimi isə Vivienne Westwood imzası daşıyır. Ziynət əşyaları Cartier, ayaqqabıları isə Sergio Rossi-dir. Halle Berry modası keçmiş olduğunu düşündüyüm Marchesa geyimlə qatılmışdı. Nəhayət, Anne Hathaway-in  Oscar törənində seçim etdiyi 2-ci geyimi-Givench Haute Couture libasını daha çox bəyəndim.

Bu dəfə də kişillərin ikinci planda, hətta bəlkə də heç bir planda olmadığı bir qırmızı xalça törəni izlədik. Düzü haqsızda deyillər, bütün kişilərin seçimi klassik smoking-lər idi. Oscar törəni olduğu üçün heç kəs riskə gedib qara rəngdən başqa seçim də etmiyib. Andrew Garfield Louis Vuitton smoking-ində  çox yaraşıqlı görsənir.Oscarın ən çox diqqət çəkən qonağı Justin Timberlake isə seçimini Tom Ford-dan etmişdir.Hugh Jackman  Salvatore Ferragamo imzalı klassik smoking-ində idi. Gecənin ən gözəl cütlüklərindən olan Matthew McConaughey reklam kompaniyalarında oynadığı Dolce & Gabbana smokingi, partneri Camila Alves isə  Kaufman Franco imzalı qara libasında çox gözəl görsənirdilər. Armie Hammer və Mark Wahlberg isə Giorgio Armani smokingləri ilə gecənin yaraşıqlı aktyorları arasında idi.

The St. Regis Lhasa Resort

Bu gördüyünüz möhtəşəm istirahət mərkəzi Çində, Tibet dağlarında yerləşir. 2010-cu il Noyabrın 15-dən fəaliyyət göstərən bu düşərgə qısa zamnda turistlərin diqqətini çəkməyə başladı.Dənizdən 3680 m hündürlükdə yerləşən bu layihə 162 lux villa və suitdən ibarətdir.

Dizaynında hər nə qədər tarixi, etnik və milli ənənələrə üstünlük vürilsədə The St. Regis Lhasa tam yeni texnologiyalarla təhciz olunub. Minimum otağ sahəsi 60 kvadrat metrdir. Beləki, bütün otaqlar plazma TV və yüksək sürətli internetlə təhciz olunub. Oteldə qızıl döşəməli hovuz, yoga və pilates üçün sahə, habelə 1000 kvadrat metrdən böyük SPA mərkəzi fəaliyyət göstərir.

Bundan başqa oteldə, dünya mətbəxləri ilə bərabər Çin mətbəxinin yeməklərinin də təqdim olunduğu 3 restoran, 140 dan çox içki və sigar növünün təqdim olunduğu bar və çay otağında müxtəlif desertləri dadmaq mümkündür. 

Alberta Ferretti Fall 2011 / Milan Fashion Week

 

Milan moda həftəsi  davam edir. Alberta Ferretti də bir çox digər markalar kimi 2011-ci il qış sezonuna rənga-rəng kolleksiya hazırlayıb. Geyimlər, rənglər və motivlər çox möhtəşəmdir. Kolleksiya 2-hissəyə ayrılmışdı. 1-ci hissə gündəlik üçün bir-birindən gözəl sadə geyimlər, 2-ci hissə isə Alberta Ferretti ziyafət  donları. 1-ci hissədəki geyim və rəngləri daha çox bəyəndim. Kolleksiyadakı hər şeyin mükəmməl olduğunu demək istiyərdim, əgər o geyimlərə uyğun görmədiyim məxmər uzunboğaz çəkmələr olmasa idi.Yenə də etnik detallarla zəngin bu kolleksiyanı çox bəyəndim.Kolleksiyaya şəxsi qiymətim 10 üzərindən 8.

Aston Martin Virage Coupe 2012

Bu yeni Aston Martin-i görəndə ilk ifadəm uzun bir wooow demek oldu.Avtomobilin dizaynındakı  idman görünüşü ilə bərabər zəriflik və eleqantlığı da diqqəti çəkir. Virage Coupe, Aston Martin DB9 və Aston Martin DBS arasında bir modeldir. Aston Martin DBS modelini yəqin ki, James Bond-un  "Casino Royale" filmindəki avtomobili kimi xatırladınız. DB9 modeli isə Britaniyanın Direct Line Car Insurance şirkəti tərəfindən son 25 ilin ən yaxşı avtomobili adına layiq görülüb.

Yeni Aston Martin Virage Coupe modeli isə V12 silindirli 490 at gücünə malik mühərriklə təhciz olunub. Maksimal sürət  298 km /saatdır. Avtomoblin çəkisini minimum dərəcəyə endirmək üçün daha yüngül materiallardan istifadə edilmişdir. Bununla bərabər Virage Coupe tam yeni ammortizasiya sistemi ilə təhciz olunub.

Avtomobilin salonunda 6.5 dioqanallıq ekran, İpod, naviqasiya sistemi,Bluetooth və 700 watt-lıq audio sistem quraşdırılıb.Xüsusilə də, bu exclusiv rəngi çox bəyəndim.

Exclusive "Balenciaga Edition" at Emporium

Emporium heç şübhəsiz Azərbaycanın ən böyük multibrand-lərindən biridir. Dünyanın onlarca lux markasının  geyimlərini Azərbaycana gətirən butik  Port Baku-da  da yeni və böyük department butikini açmağa hazırlaşır.

Beləki, Emporium bu yaxınlarda 1914-cü ildə əsası qoyulmuş, dünyanın ən böyük və lux moda evlərindən biri Balenciaga-nın Azərbaycanda çox exclusiv bir tədbirini keçirtdi.Mərhum dizayner Christobal Balenciaga-nın müxtəlif illərdə hazırladığı kolleksiyalardan seçilmiş geyimlər əsasında hazırlanmış eskizlər kokteyllə qonaqlara təqdim edildi.Bu cür möhtəşəm bir sərgini Azərbaycana gətirdiyi üçün Emporium butikini təbrik edirəm və moda adına bu cür önəmli  tədbirləri ölkəmizdə daha çox görmək istəyirəm.

Kokteylə dəvət olunan qonaqların geyimlərinə nəzər salsaq, böyük əksəriyyət qara rəngə üstünlük verib. Qonaqların seçimlərində fərqli rəngləri və dizaynları görsəydim daha çox sevinərdim. Çanta seçiminə gələndə isə Chanel üstünlük təşkil edir. Chanel klassik xanımın qarderobundakı ən önəmli markalardandır. Hər halda Chanel Azərbaycanda bu qədər sevəni olduğunu görsəydi ilk butikini Bakıda açardı. Ümid edirəm yaxında markanın Bakıda da butikinin açılacağını görəcəyik.

Amma dünyada da belə bir ənənə var, gələn qonaqlar, dəvət olunduqları markaya hörmət əlaməti olaraq həmin markanın kolleksiyalarından seçim edirlər. Qonaqlar arasında isə Balenciaga-nın ikonik  "Motorcycle" çantasını sadəcə bir xanımda görə bildim.

Onun yerinə qonaqlar Chanel, Louis Vuitton,Prada, Hermes və Yves Saint Laurent kimi olan markaların kolleksiayalarından seçim etmişdirlər.Kokteyl geyimlərindən çox gündəlik və aksesuarlarda isə logolu modellər üstünlük təşkil edirdi. Hər halda bununda səbəbi bu kimi kokteyllərin Azərbaycanda olduqca az olmasından və bizim xanımların qarderoblarından düzgün seçim etməkdə çətinlik çəkmələrindən irəli gəlir.

 Yenədə qonaqlar arasında üslubuna uyğun və gözəl geyinən xanımlarda az deyildi.Məsələn geyimini ən bəyəndiyim iki xanım bunlardır. Birinci xanım öz  geyimi, YSL clutch ilə əsl lux şəhərli qadını imicini yaradıb.Həm də heç bir əksik detal olmadan.İkinci xanımın yaratdığı kombinasiyanı isə da  çox bəyəndim. Bottega Veneta Clutch-ı möhtəşəmdir. Hər iki xanımın Yves Saint Laurent vurğunu olduğu geyim tərzlərindən aydın olur.

Burberry Prorsum Fall 2011 Womenswear

New York moda həftəsindən sürətlə London moda həftəsinə keçirik. Təbii ki, London moda həftəsinin ən diqqət çəkən markası Burberry Prorsum-dur. Burberry hər sezon olduğu kimi bu dəfə də möhtəşəm bir show təqdim etdi. Hər kolleksiyasını izləmək üçün ulduzların axın etdiyi markanın, bu dəfə də "Front Row"-su dünya ulduzları və moda ikonları ilə zəngin idi. Dünyada ilk dəfə olaraq show-nu Piccadily Circus meydanına qurulmuş 32 metrəlik ekrandan ,Burberry-nin dünyadakı bir çox butikindən və internetdən də canlı olaraq izləmək mümkün idi. Elə məndə millionlarla insan kimi show-nu internetdən canlı izlədim. 60-cı illərin musiqiləri, möhtəşəm kolleksiya, ulduzlar və show-nun sonunda səhnəyə yağan süni qar.Bir sözlə əsl İngilis atmosferi.

Kolleksiyaya gələndə isə Burberry-ə nə demək olar?)). Bu yaxınlarda dünya qadınları arasında aparılan sorğuda qadınların üst geyimləri(trenchcoat-lar, dəri gödəkcələr və paltolar) tərcehində ilk yeri digər markalardan böyük fərqlə Burberry tutur. Elə digər kolleksiyaları kimi bu dəfə də Christopher Bailey diqqəti üst geyimlərə vermişdi.Bir-birindən rəngli və gözəl paltolar show-dan dərhal sonra bir həftəlik ilkin satışa çıxarıldı.Ona görə qiymətləri də sizinlə rahatlıqla paylaşdım. Natural xəz və krokodil dərilərindən bolca istifadə edilməsi kolleksiyanı daha da zəngin edib.

Daha əvvəl də dediyim kimi Burberry-nin  fashion show-larına  dünya ulduzları da böyük maraq göstərir. Bu qədər dünya ulduzunun "Front Row" da olmasını bir də Chanel kolleksiyalarında görmək mümkündür. Beləki Burberry qış 2011  show-sunu izləmək üçün Lily Donaldson(model), Anna Wintour(Vogue),Alexa Chung (moda ikonu),Kate Bosworth(aktrisa),Rachel Bilson(aktrisa) və daha bir çox qonaqlar da qatılmışdı.Qonaqların demək olar hamısı geyim seçimini Burberry- dən etmişdi. Bu cür möhtəşəm show-nu izləyib markaya az bal vermək günah olar. Şəxsi qiymətim 10 üzərindən 10.

New York Fashion Week 2

New York moda həftəsi sona çatdı.Bu post ilə moda həftəsinin ən diqqət çəkən dizaynerlərinin  2011-ci il qış kolleksiyalarını sizinlə paylaşmaq istədim.

New York moda həftəsinin ən bəyəndiyim kolleksiyası Preen oldu. İkili və üçlü rəng kombinasiyaları möhtəşəmdir.Xüsusilə də, tünd göy və qırmızı tonlarının birləşməsi möhtəşəmdir. Şəxsi qiymətim 10 üzərindən 10.

Oscar de la Renta-nın qış 2011 kolleksiyasında etnik naxışlardan və xəz detallardan bolca istifadə edildiyini görmək mümkündür.Adına layiq çox zəngin kolleksiyadır. Şəxsi qiymətim 10 üzərindən 8.

Diane von Fustenberg-in kolleksiyasını bəyəndim deyə bilməyəcəm. Düzü kolleksiya və geyimlər gözəldi, amma sanki bu Diane von Fustenberg deyil Moschino kolleksiyası idi.Bundan başqa Gucci-nin yaz-yay 2011 kolleksiyasına da bənzərlik hiss olunur. DVF-ə bunu heç yaraşdırmadım. Şəxsi qiymətim kolleksiyanı bəyəndiyim halda 10 üzərindən 6-dır.

Sezonun daha bir bəyəndiyim kolleksiyası isə Donna Karan idi.Dizayner zəngin şəhərli qadını imicini möhtəşəm  şəkildə vurğulamağı bacarıb.Keyfiyyətli atlas parçadan hazırlanan geyimin zərifliyi  insanı valeh edir. Şəxsi qiymətim 10 üzərindən 9.

Badgley Mischka-dan çox fərqli bir şey görə bilmədim. Yenə də öz ənənəsinə sadiq gözəl geyimləri olan bir kolleksiya təqdim etdi. Bəzi geyimləri nə qədər çox bəyəndimsə də, bəzilərinin kolleksiyaya necə daxil edildiyini çox fikirləşdim.  Şəxsi qiymətim 10 üzərindən 7.

Monique  Lhuillier krujevaların zəngin olduğu, bel hissədən bağlı, zərif və romantik bir kollekisya təqdim etdi. Bu cür romantik kolleksiyalar normal olaraq böyük kütlə tərəfindən tez sevilir və daha çox insanın zövqünə uyğun gəlir. Şəxsi qiymətim 10 üzərindən 8.

Jason Wu kolleksiyalarının hər birini çox bəyənirəm. Bu dəfə ki, kolleksiyada isə dizaynerin hazırladığı bütün geyimlər xüsusi gözəl idi. Hər biri çox zərif, bol işləməli və zəngin kresiyonlar(creation) idi.Bir söznən möhtəşəm kolleksiya budur deyə bilərəm. Şəxsi qiymətim 10 üzərindən 10.

Herve Leger -in bandaj donları biri-birindən gözəldir.Artıq Herve Leger-in ənənəsinə çevrilən ,bədəni kip saran bu geyim növünə Max Azira hər sezonda başqa bir rəng və gözəllik qatır. Məşhuların ən sevimli markalarından olan Herve Leger öz bədən quruluşuna güvənən xanımların əvəzolunmazıdı. Şəxsi qiymətim 10 üzərindən 8.