Emporium Online Shopping

Uzun müddətdir başım qarışıq olduğu üçün sizinlə paylaşmaq istədiyim yenilikləri geri plana atmaq məcburiyyətində qalıram. İndi isə əlimə düşən boş vaxtımdan istifadə edib, dərhal sizə Emporium-un online mağazasını xatırlatmaq istəyirəm.
Son 10-illikdə online ticarətin inkişafı bütün dünyada sürətlə yayılmağa başlaması ilə, Gucci, Burberry, Louis Vuitton və Dolce & Gabbana kimi moda evləri öz saytlarında online xidmətləri genişləndirdilər, bununla yanaşı Net-a-Porter, Mr Porter, Matches Fashion, Luisa Via Roma və daha bir çox multibrand online mağazalar açıldı.
Əslində online alış-veriş etməyi çox sevən biri deyiləm, çox nadir hallarda istədiyim məhsulu mağazalarda tapa bilmədiyimdə, online saytlardan alış-veriş edirəm. Lakin, online saytların ən böyük üstünlüyü, məhsullarla rahatlıqla yaxından tanış olmağa və istədiyimizə asanlıqla qərar verməyə imkan yaradır. Hətta seçdiyimizi daha sonra mağazaların özündən əldə etsək belə. Çox təəssüf ki, bütün bu saydıqlarıma baxmayaraq online ticarət sistemi ölkəmizdə hələ də inkişaf etməyib. Lakin, artıq bir neçə aydır uğurla fəaliyyət göstərən Emporium-un online mağazası, ən az Port Baku-dakı möhtəşəm butiklərinin açılışı qədər məni sevindirdi. Saytın sadəliyi, yüksək zövqlə hazırlanmış interface-i və hər həftə yenilənməsi isə xüsusilə xoşuma gəldi. İndi isə saytdan seçdiyim bəzi məhsulları sizinlə paylaşmaq istəyirəm. Asağıda gördüyünüz məhsulları online əldə etmək üçün bura (emporium.az) daxil olun.

P.S Luxury Baku blogunu Facebook-dan da izləmək üçün buraya daxil olun.

Givenchy 404AZN

Azzedine Alaia 3200 AZN

İsaia 1485 AZN

Dsquared2 305 AZN

Peter Pilotto 1411 AZN

Marc Jacobs 1078 AZN

Anna Karin Karlsson 453 AZN

Tom Ford 263 AZN

Matthew Campbell Laurenza 2034 AZN

Prada 863 AZN

Victoria Beckham 1098 AZN 

Christopher Kane 1964

Charlotte Olympia 641 AZN

Givenchy 890 AZN

Prada 358 AZN

Prada 1178 AZN

Taylor 75 AZN

Vileberquin 161AZN

Pierre Hardy 363 AZN

Prada 305 AZN

Photo source : emporium.az

New Sneakers Trend

Celebrity Wearing High Wedge Sneakers

Yəqin ki, son bir neçə sezondur gördüyünüz bu dəbdəbəli yüksək daban krasovkaların məşhurluğu sizin də diqqətinizi çəkir. Öz unikal görünüşü, fərqli rəng və çeşidləri ilə modasevər xanımların qarderobuna sürətlə daxil olan bu sneaker-lər həm çox rahat, həm də gizli dabanı sayəsində boy problemi olub, düz ayaqqabı geyinməyə çəkinən xanlmlar üçün idealdır. "Bəs bu modeli bütün dünyada bu qədər məşhurlaşdıran nədir?" sualını versəniz sizə Beyonce-un "Love On Top" klipindəki, İsabel Marant sneaker-lərlə göstərdiyi möhtəşəm performansı xatırlatmaq istəyərəm.  Beləki, həmin klipdən sonra gördüyünüz bu model krasovkalar bütün online mağazalardan və butiklərdən sürətlə tükənməyə başladı. Gisele Bundchen, Miranda Kerr, Kate Bosworth,  Anne Hathaway və Rosie Huntington Whiteley kimi dünya ulduzları da bu krasovkalara biganə qala bilməyən xanımlar arasındadır.

Beyonce's High Wedge Sneakers

Əlbəttə ki, bu tərz krasovkalar dünya trendini izləyən Azərbaycan xanımları arasında da artıq kifayət qədər populardı. Bakıda isə Minelli butiklərində bu krasovka-ların müxtəlif rəng, model və çeşidlərini əldə etmək mümkündür. Əsası 1972-ci ildə qoyulan Fransız ayaqqabı və çanta istehsalçısı olan Minelli, bu model sneakers-ləri istehsal edən çox az markadan biridir. Dünyada 200-dən çox butiki olan bu yüksək keyfiyyətli dəri istehsalçısının, Bakıda da artıq 2  butiki fəaliyyət göstərir.

Minelli High Wedge Sneakers

Küçə modası həvəskarları sayəsində, bu praktik ayaqqabıların hələ uzun müddət dəbdə qalacağını nəzərə alsaq, məncə mütləq hər xanım ən qısa zamanda bu sneaker-lərdən əldə etməlidir.  Əgər siz də yeni il ərəfəsində qarderobunuza bu model krasovkalardan əlavə etmək istəsəniz, Minelli butikinə baş çəkməyi məsləhət görürəm.
P.S Luxury Baku blogunu Facebook-dan da izləmək üçün buraya daxil olun.

New Ad Campaigns

Yeni sezon kompaniyalarını həm blogun özündən, həm də Luxury Baku-nun Facebook səhifəsindən(burdan baxa biləsrsiniz) izləyə bilərsiniz. Beləki, bu sezon daha iki markanın reklam üzünə dünyaca məşhur ulduzlar seçilib ki, bunları da dərhal sizinlə paylaşmaq istədim.Birinci kompaniya lux italyan çanta və ayaqqabı istehsalçısı olan Tod's və məşhur aktrisa Anne Hathaway-in işbirliyidir. Aktrisa uğurlu film seçimləri qədər qırmızı xalçada da hər zaman çox zərif və gözəl görsənir. Görünür Tod's-un diqqətini də bu çəkib. Məncə markanın üzü olmaq  üçün düzgün seçimdi. Ortaya çıxan iş də bunun sübutudur. Xüsusilə fotoların göy və qırmızı rəng kombinasiyası əladır. Bəyənmədiyim tək detal aktrisanın həddindən artıq ağardılmış dərisidir.Bunu da, biri-birindən gözəl Tod's-lara baxaraq görməməyə çalışıram.

Növbəti işbirliyi isə Armani və Rihanna arasındadır. Bu sezonun ən diqqət çəkən kompaniyalarından biri də demək olar.Çünki, biri moda dünyasının digəri isə musiqi sektorunun ən zirvəsində olan iki markadır demək olar. Ümumiyyətlə, Armani-nin jeans və underwear kompaniyaları hər zaman diqqət çəkən olur.David-Victoria Beckham, Megan Fox, Christian Ronaldo, Rafael Nadal və son olaraq Rihanna markanın üzü olaraq seçildi. Şəxsi fikrimcə bunların arasında markaya ən çox Rihanna yaraşır.Reklamlar son dərəcə maraqlı və diqqət çəkəndir.

Bottega Veneta F/W 2011 Leather Collection

 Istər kişi, istərsə də qadın dəri-aksesuarları kolleksiyası olsun (burdan baxa bilərsiniz), Bottega Veneta ən bəyəndiyim markalar arasında ilk sıralarda yer alır. Xüsusilə də,hər sezon biri-birindən gözəl Bottega Veneta çantaları, çamadanları, klarçları və digər  kiçik aksesuarları modasevər xanımların və bəylərin qarderobunda əvəzolunmaz yerə sahib olur(burdan baxa bilərsiniz).Əlbəttə ki, bunun ən əsas səbəbi fərqlilik,yenilik və yüksək keyfiyətdir.Bütün bunları hər hansı bir Bottega Veneta modelində görmək elə də çətin deyil.Əminəm markanın aşağıdakı son payız-qış kolleksiyasını incələdikdən sonra nə demək istədiyim daha da aydınlaşacaq. Çox sevindirici haldır ki, Bakıdakı Bottega Veneta butikindən bu gördüyünüz aksesuarıarın çoxunu əldə etmək mümkündür. Hətta ekzotik dərilərdən olan ən qiymətli çantalrı belə bu butikdə tapmaq mümkündür. Kolleksiyanın tamamı üçün Luxury Baku-nun Facebook səhifəsinə burdan baş çəkin.

1.Bottega Veneta payız-qış 2011 qadın aksesuar kolleksiyası.Hər birinin qiymətini üzərində qeyd etmişəm.

Yeni sezon qadın kolleksiyasında sezonun trend rəngi olan narıncının üstünlüyünü görmək mümkündür. Xüsusilə də məxmər materialdan olan knot-lar(klarçlar) bu sezonun must have modelləridir.Eyni zamanda yeni kəmər və kiçik akseuar modelləri də gözümdən qaçmadı. Hər biri əl işi olan bu aksesuarlar çox zövqlü görsənir.

2.Bottega Veneta payız-qış 2011 kişi aksesuar kolleksiyası. Hər birinin qiymətini üzərində qeyd etmişəm.

Kişi kolleksiyasında isə rəng olaraq yenə də tünd rənglər hakimdir.Sadəcə  ayaqqabılarda müxtəlif rəngləri görmək mümkündür.Loqosuz kəmərlər və ekzotik dəri çantlar bu sezonun ən bəyəndiyim aksesuarlarıdır.

Burberry Body

Nəhayət, Burberry yeni ətiri olan Body-ni Sentiyabrın 1-də təqdim etdi. Normalda bu cür xəbərlər mənim üçün çox da maraqlı deyil, çünki ətirlərin zövqə görə dəyişdiyini düşünürəm. Heç kim flakon yada reklama görə ətir seçimi etmir. Görünür mənim kimi düşünən çox adam var ki, marka bütün diqqəti çəkmək üçün əlindən gələni edib. Daha əvvəl markanın sezon və kosemetika reklamlarının üzü olan ingilis model Rosie Huntington Whiteley bu dəfə yeni ətiri təqdim etmək üçün seçildi, bir ay boyunca çəkimlərdən qısa-qısa görüntülər You Tube və Facebook-da təqdim olundu və ən maraqlısı markanın saytında qeydiyatdan keçmiş hər kəsə(mənimki hələ də gəlib çıxmıyıb) tester hədiyyə olundu. Əslində Body markanın bu günə qədərki ən romantik və sexy ətiridir desəm yalan olmaz(bundan əvvəl marka daha çox sportiv və dinamik ətirlər təqdim etmişdir). Gələk reklamlara, Rosie sadə gözəlliyi və möhtəşəm bədən quruluşu ilə adamı valeh edir.Yeni ətir markanın klassik trençkotlarından ilhamlanaraq hazırlandığı üçün Rosie reklam çarxında sadəcə trençkot geyinib.Markanın bunu ön plana çıxartması əla ideyadır.Qiymətlərə gəldikdə 45-75 pound($75-$120) arasında dəyişir.

Hətta marka yeni ətirin şərəfinə bir neçə geyim və aksesurdan ibarət kolleksiya da təqdim edib. Beləki, Nude(Burberry London kolleksiyasına aiddir) adlanan bu kolleksiyada sadəcə krem tonlarına üstünlük verilib. Kurtkaların qiyməti 795-2095 pound($1300-$3400) arasında dəyişir.Aksesuarlarının qiymətlərini isə hər birinin üzərində yazmışam.Xüsusilə də, exzotik dəri çantalar həqiqətən möhtəşəmdir.(Fotoların üzərinə tıklayıb aksesuarları daha yaxından incələyə bilərsiniz)

Burberry Nude Coats

Burberry Nude Accessories