Happy Halloween

Halloween! Adını eşitmək belə insanın üzündə gülümsəməyə səbəb olan ən gözəl və əyləncəli kostyum bayramlarından biridir. Bu bayramdakı bütün partilər müxtəlif xarakterləri canlandıran kostyumlarla qatılan insanların maraqlı və unudulmaz vaxt keçirməsi  məqsədi ilə təşkil olunur. Dünyada keçirilən partilərdən məşhurların geyindiyi bəzi kostyumları sizinlə paylaşmaq istədim.Xüsusilə, 3 cü şəkildəki Heidi Klum-un seçdiyi bu kostyum mənə çox qəribə və maraqlı gəldi .6 əlli bütü canlandıran model yəqin ki, gecənin ən fərqli qonağı idi.

Bəs biz öz qarderobumuzdan Halloween üçün nə seçə bilərik.Bunun üçün çox böyük vaxt sərf etməyə ehtiyac yoxdur. Çünki, bu gecədə heç kim sizə "zövqsüz" deyə bilməz. Mümkün olduğu qədər fərqli və maraqlı görsənməyə çalışın.



1.Don Vivienne Westwood $474

2.Çəkmələr Golden Goose $1365
3.Üzük Pamela Love $711

1.T-Shirt Marc by Marc Jacobs $55
2.Şalvar Lanvin $670
3.Kardiqan Givenchy $830
4.Krasovka Alexander McQueen $595
5.Şərf McQ by Alexander McQueen $295

Beləki, artıq bir neçə ildir ki,  Bakıda da Halloween partiləri təşkil olunur. Bu il isə,bu maraqlı bayram üçün  Buta Palace  nəzərdə tutulub. Əminəm çox maraqlı olacaq. Happy Halloween!!!
P.S Luxury Baku bloqunu Facebook-dan da izləmək üçün buraya daxil olun.

Princess Yachts

Günümüzdə sərhəd tanımayan lux sektorun ən vacib detallarından biri də yaxtalardır. Yəqin ki, insanın öz şəxsi yaxtası ilə okeanda uzun səyahət etməsi kimi gözəl bir hiss yoxdur.Elə bu arzunu reallaşdırmaq üçün Princess Yachts marka  yaxtanın olması  vacib şərtdir. Dünyanın ən qədim lux yaxta istehsalçılarından biri olan Princess Yacts şirkətinin əsası Britaniyada 1965-ci ildə qoyulub. İlk oalraq 1981-ci ildə Graham adlı Cənubi Afrikalı biznesmen tərəfindən alınan şirkət daha sonra 2008-ci ildə məşhur Fransız biznesmen Bernard Arnault tərəfindən ələ keçirilir. Beləki Louis Vuitton Moet Hennessy(LVMH) şirkətinin də sahibi olan bu biznesmen Princess Yachts üçün 200 million dollar ödəməli olur.Bernard Arnault bundan başqa Louis Vuitton, Fendi, Givenchy,Kenzo və Donna Karan kimi bir çox lux markanı da öz şirkətinin tərkibinə qata bilib.

Müxtəlif dizayn və ölçülərdə təklif olunan bu yaxtaların hər biri özünəməxsus  gözəlliyi və ultra-lux komfortu ilə  sahiblərinə əvəz olunmaz rahatlıq və istirahət bəxş edir.
P.S Luxury Baku bloqunu Facebook-dan da izləmək üçün buraya daxil olun.

150 illik Chopard

İsveçrə deyərkən insanın ağlına ilk olaraq bir-birindən lux saat və xronoqraflar gəlir. Lakin, bu İsveçrəli marka tək saat yox, həm də zərgərlik əşyalarında hər zaman dünyanın ən böyük markalarından biri olmuşdur. Heç bir qırmızı xalça törəni  xüsusilə, Chopard High Jewellery yəni ən lux kateqoriyada hazırlanan və millionlarca dəyəri olan bu məhsullarsız keçmir.Markanın əsası 1860 cı ildə 24 yaşlı Louis-Ulyesse Chopard tərəfindən qoyulmuşdur. Bu il isə marka artıq 150-ci yaşını qeyd edir.Bunun şərəfinə şəhərimizdə  yerləşən Chopard butikində kokteyl təşkil edildi.İtaldizayn Group-un əməkdaşlığı ilə ölkəmizdə fəaliyyət göstərən marka,  daha əvvəl də bir neçə dəfə Buta Palace-da öz kolleksiyalarını  təqdim etmişdir.İndi isə markanın qiymətli zərgərlik nümunələrindən bəziləri ilə tanış olaq.

Hər il,bir çox dünya ulduzu Oscar və Cannes film festivallarında bu markanın zərgərlik əşyalarından istifadə edir.Məsələn, 2007-ci ildə Valentino ilə əməkdaşlıq edən Chopard, Cannes film festivalının açılışı üçün çox qiymətli və möhtəşəm kolleksiya hazırlamışdır.Bu kolleksiyanın tamamı dünya ulduzları tərəfindən film festivalı ərzində təqdim olunmuşdu. Chopard  xeyriyyəçilik işlərində də dünyanın ən öndə gələn markalarından biri hesab olunur.Beləki, AİDS-ə qarşı Sir Elton John-la birgə məhdud sayda saat kolleksiyası təqdim edən marka, gəlirin tamamını  E.John-un AİDS fonduna bağışlayır .

Qiymətlərə gəldikdə, məsələn bu altda gördüyünüz üzük 16.26 million dollardır və dünyanın ən bahalı daşlarından biridir. Mən hələ üstdəki boyunbağıların qiymətini  təsəvvür edə bilmirəm.)))
P.S Luxury Baku bloqunu Facebook-dan da izləmək üçün buraya daxil olun.

Fendi - New F/W Accessories and Shoes Collection

Heç şübhəsiz, modern şəhərli geyim üslubunu təmsil edən ən əsas markalardan biri  Fendi-dir. Xüsusilə də, qadın geyimləri kolleksiyalarında bunu görmək elə də çətin deyil. Hər sezon, biri-birindən gözəl geyimləri və aksesuarları ilə həm xanımların, həm də bəylərin qarderobuna daxil olan Fendi, bu sezon da ikonik ayaqqabı və çanta modelləri ilə hər kəsin sevimli markasına çevriləcək.  Elə bu gördüyünüz yeni sezon kolleksiyası da  artıq qarderoblarda özünə yer tapıb. Şəxsən mən demək olar ki, kişi krasovkalarının tamamınını çox bəyəndim.



Qadın ayaqqabılarına gəldikdə, hər biri böyük zövqlə hazırlanıb. Bu ayaqqabıların arasından seçim etmək xanımlar üçün çox çətin olacaq.Platformaların və çəkmələrin gözəlliyinə söz ola bilməz.

              

Geniş çeşid və rəng imkanın olduğu Fendi çanta və klaçları da yeni sezonun dəbli aksesuarlarıdır.Markanın ikonik modelləri ilə bərabər, bu sezona xas olan yeni modelləri də görmək mümkündür.

Elə sezonun gün eynəklərini və digər kiçik aksesuarlarını da çox bəyəndim.Ümid edirəm uzun illərdir multibrandlərdən əldə etdiyimiz Fendi kolleksiyalarını tezliklə markanın öz butikindən əldə edə biləcik.

P.S Luxury Baku bloqunu Facebook-dan da izləmək üçün buraya daxil olun.



Yeni Bentley Mulsanne Azərbaycanda

Bu gördüyünüz tamamilə, yeni platformada hazırlanan Bentley Mulsanne modeli 1930-cu ildən bəri hazırlanmış modellərdən çox fərqlənir. Beləki, hər birinin hazırlanmasına 2 aydan çox vaxt sərf olunan  Bentley Mulsanne 6.75 litr həcimli  V8 silindirli 505 at gücünə malik muhərriklə təhciz olunub.Avtomobil şirkətin digər modellərindən fərqli olaraq 15% daha az,yəni 100 kilometrə 16.9 litr yanacaq sərf edir.Çəkisi 2500 kiloqramdan artıq olan bu avtomobil üçün daha bir yaxşı göstərici,100 km/saata sadəcə olaraq 5.3 saniyə vaxt sərf etməsidir.Avtomobilin salonunda isə təbii ağac və xüsusi texnologiya ilə hazirlanmış dəridən istifadə olunub.Belə ki, bu sənət əsərinin qiyməti 220 000 pound olacaq.

Siz də bu gördüyünüz möhtəşəm avtomobili artıq Bentley Baku mərkəzindən əldə edə bilərsiniz. Beləki, bu modelin Bakıya gəlişi şərəfinə kokteyl təşkil edildi və açılışa gəlmiş qonaqlara Bretling for Bentley saatı hədiyyə olundu.

P.S Luxury Baku bloqunu Facebook-dan da izləmək üçün buraya daxil olun.

Romantik Axşam Yeməyi

Romantik axşam yeməkləri hər kəsin həyatını rəngləndirən xüsusi gecələrdir.Ən çətini isə bu gecəyə hazırlaşmaqdır. İnsan o həyəcanla qarderobunu açıb, bəzən 100-lərcə geyimin arasından belə nə geyinəcəyinə qərar verə bilmir.Ən önəmlisi isə bu gecədə siz öz sevdiyinizə sadə və hər zamankından fərqli görsənməlisiniz. Romantik restoran, şam işığı, qırmızı şərab və qızıl güllərin əhatəsinə bax bu cür uyğunlaşmaq olar.Hər xanımın qarderobunda klassik və hər zaman dəbdə olan qara donlar mütləq olur. Bu sadə geyimi siz   düzgün aksesuar seçimləri ilə daha da zərif və gecənin ahənginə uyğun edə bilərsiniz.

1.Don  Preen $1195

2. Ayyaqqabı və klaç Christian Louboutin $692 və $1116
3. Mirvarıi sırqa Mikimoto $4300
4.Qolbaq Charriol $1095
5. Üzük Versace $225

Kişilər isə, sadə və eleqant kostyum və aksesuarları ilə gecənin yarşıqlı və xarizmatik partneri ola bilər.

                               



1.Kostyum Gucci $1516

2.Köynək Moschino $435

3.Qalstuk D&G $123

4.Ayaqqabı Dolce&Gabbana $427

5. Saat Jaeger  $6829

P.S Luxury Baku bloqunu Facebook-dan da izləmək üçün buraya daxil olun

Keira Knightly in Chanel

Bu xanımda insanı özünə çəkən qəribə bir cazibə və zərafət var. Həqiqətən də, dünya ulduzlarının çox azında bu zəriflik, incəlik və gözəllik var. Bir də bunun üzərinə gözəl zövq əlavə olanduqda, ortaya 4x4-lük bir xanım  çıxır.Daha öncə Kate Moss-un Chanel Coco Mademoiselle  parfum reklamlarını əvəz edən Keira Knightley geyimlərində də çox vaxt bu markaya sadiq qalır. Yəni bir sözlə ona əsl Chanel qadını demək olar.

 Bu dəfə də xanım tamamı mirvaridən hazırlanmış Chanel donu ilə hər kəsi özünə heyran edə bildi. Bu geyimlə o biraz da risk edib çünki, geyimin alt və üst hissələri yalnız öndən bitişik formada hazırlanıb. Geyimin arxa hissəsi isə sadəcə mirvarilərlə bir-birinə bağlıdır.Bu geyim ilə geyilmiyəcək tək ayaqqabı isə bu qalın dabanlı Charlotte Olympia-lar olduğunu düşünürəm. Biraz kobud görüntü yaradıb, lakin bu ayaqqabılar belə Keira-nın ümumi görünüşünə təsir etmiyib.Əslində ayaqqabıları ayrılıqda çox bəyənirəm, lakin bu geyim ilə uyğun olmadığını düşünürəm.
P.S Luxury Baku-nun Facebook fan səhifəsinə  burdan baxa bilərsiniz.

Magnificent 7

Hər zaman oxumaqdan həzz aldığım və heç bir nömrəsini qaçırtmadığım Boutique jurnalının ən sevdiyim hissəsi "Möhtəşəm Yeddilik" adlandırılan hissəsidi.Xüsusilə də çəkilmiş keyfiyyətli fotolarını çox bəyənirəm. Düşündüm ki, məndə belə bir post etsəm pis olmaz. Beləki, birazca formatda dəyişiklik etmək istədim. Solda kişilər üçün, sağda qadınlar üçün, ayırmadıqlarım isə hər iki cins üçün seçdiklərimdir.Mövzu olaraq isə "Toy Günü"-nü başlıq olaraq seçdim.
                                                                Wedding Day
1.Yəqin ki, bir çox qadının ən böyük arzusu evlənərkən Vera Wang gəlinlik geyinməkdir.Bəs kişilər necə? O əvəzsiz Tom Ford marka smoking-ə biganə qala bilərlərmi.Əlbəttə ki, mümkün deyil.

Tom Ford / Vera Wang

2.Ayaqqabı olaraq üstünlüyünüzü  sadə və rahat etsəniz sizin üçün toyda daha az sıxıntı yaradar.
Beləki, qadınların ən sevdiyi ayaqqabı dizaynerlərindən olan Casadei marka bu platforma sizə toyda özünüzədən əmin şəkildə yerə basmaq üçün yardımcı olacaq. Kişilər bu işdə daha rahatdı, çünki qadınlar kimi üzərində ağır gəlinlik daşımır. Amma heç şübhəsiz bu yorğun və çətin gündə Salvatore Ferragamo marka ayaqqabəlar ilə siz özünüzü daha da rahat hiss edəcəksiniz.İpli ayaqqabıları mən daxil bir çox kişilər sevməsə də bu gün üçün istisna etmək lazımdır.

Salvatore Ferragamo / Casadei

3. Toy maşını isə heç şübhəsiz Rolls Royce marka olmalıdır.Bir çox kübar toyların əvəz olunmazı olan bu maşın, öz lux komfortu ilə sizin toya daha həyəcansız və rahat çatmağınız üçün vacib şərtdir. Əlbəttə ki, RR marka avtomobil sizin toyunuzun statusundan da xəbər verir.

Rolls Royce

4.Məkan çox önəmli və seçimi çox çətin faktordu.Amma uğurlu seçim sizin də  əhvalınızı qaldıracaq.Günümüzdə çox məşhur olan şadlıq evlərindən yəqin ki, siz də mənim kimi çox bezmisiniz. Bu zaman heç şübhəsiz açıq hava toyunu düşünə bilərsiniz, İsveçrə sayağı masalar,şampan və kanepelərlə sakit və aristokrat bir toy edə bilərsizniz. Xüsusuilə də, hər hansı bir xarici ölkə vəya tropik adada keçirə bilərsiniz. Məsələn,bu gördüyünüz Miami-də yerləşən məkan toy üçün əvəz olumazdı.Siz də buna bənzər məkan seçimi ilə hər kəsin yaddaşında həkk olunacaq bir toy həyata keçirə bilərsiniz.

Miami

5.Tək daş üzük hər bir qadının xəyalıdır. Xüsusilə də, evlilik təklif edilərkən alınan bu zinyət əşyası Tiffany&co markasından olsa, bəlkə də həmin xanımın sizə yox cavabı verməsini imkansız edər.Kişilər isə daha sadə David Yurman marka üzüyü hər zaman əllərində rahat gəzdirə bilərlər.Məncə qara daşlı bu üzük çox eleqantdır.

David Yurman / Tiffany&co

6. Təbii ki,qonaqlar üçün içki olaraq müxtəlif seçimlər təklif etmək olar, məsələn viski,martini və s. Amma ən önəmlisi  şampandır, çünki  toyun şərəfinə içilən bu içki çox zövqlə seçilməlidir. Əgər seçiminiz Moet & Chandon marka şampan olsa, heç şübhəsiz uzun zaman sizin və qonaqlarınızın yadından çıxmayacaq bir dad olacaq.

Moet&Chandon

7.Sonda da aksesuarların necə önəmli olduğunu bildirmək istəyirəm. Çünki, bunlar sizin geyimi və ümumi görünüşüzü tamamlamaq üçün çox önəmlidir. Məsələn, kişilər üçün saat xüsusilə də, hər vaxt ona baxdıqda stimul almaq üçün Longines kimi qiymətli bir markadan olması vacibdir. Qadınlar üçün isə sadə və ələ-uyumlu bu Bottega Veneta marka clutch əvəz olunmazdır.

Longines / Bottega Veneta

Beləki, bütün bunlar lux toyların əvəz olunmaz seçimləridir. Hər birini çox bəyənərək seçdim, ümid edirəm siz də bəyənirsiniz.
P.S Luxury Baku-nun Facebook fan səhifəsinə  burdan baxa bilərsiniz.

Photos by Aida Babayeva

Foto sənətinin sürətlə inkişaf etdiyi günümüzdə, hər gün mediyada, jurnallarda bir çox azərbaycanlı gənclərin fotolarını görmək mümkündür.Bu bacarıqlı gənclərdən biri də Aida Babayeva-dır. Yəqin ki, bir çox dəfə bu xanımın adına vəya çəkdiyi fotolara saytlarda rast gəlmisiniz. Mən də bu fotolarla bir dostum vasitəsi ilə tanış oldum və düşündüm ki, bu cür gözəl sənəti sizinlə paylaşmasam olmaz.

Beləki, ilk baxışdan sadə görünən bu fotolarlın hər birində çox böyük məna tapmaq mümkündür.Bu xanım öz fotolarında daha çox təbiətin gözəllikləri, incəsənət abidələri, yaşlı insanların dünyaya baxış açısı və sevgi  kimi bir çox mövzuları işləmişdir.Ən çox bəyəndiyim foto isə bax bu yaşlı qadının üzündə gördüyüm  yaşadığı çətin ama gözəl həyatın qırışlarıdır. Diqqətlə baxsaq həm sevinci həm də kədəri üz cizgilərində görmək olar.



Əminəm ki, mənim qədər siz də bu fotoları çox bəyəndiz, bu cür gözəl fotolarla blogumu rəngləndirdiyi üçün Aida xanıma təşəkkürlər.Blogum adından ona uğurlarının davamını arzu edirəm.Təəssüf ki, daha çox fotonu sizinlə paylaşa bilmirəm. Amma bu link ilə Aida xanımın bütün fotolarına baxa bilərsiz.http://500px.com/Aida?page=1

Lanvin for H&M

Uzun söz-söhbətdən sonra, nəhayət ki, Noyabırda təqdim olunacaq Lanvin for H&M kolleksiyasının ilk görüntüləri yayıldı. İlk baxışdan normal bir Lanvin kolleksiyasına bənzəyən bu geyimlərin ən əsas özəlliyi Lanvin qədər baha olmamasıdır. Düzü  məni çox da cəlb etmədi çünki, bildiyimiz Lanvin-dən heç bir fərqi yoxdu. Hətta Lanvin-in əvvəlki kolleksiyalarında bu geyimlərin eynisini  görmək mümkündür, sadəcə H&M üçün cüzi dəyişiklik edilib. Böyük ehtimalla Lanvin-dəki qədər keyfiyyətli olmayan parçalardan hazırlanan bu geyimlərlə Alber Elbaz H&M-i yola verib.Lakin məntiqli fikirləşsək kiçik büdcə ilə ortaya çıxan iş dizaynerin günahı deyil.Bütün bunlara baxmayaraq əminəm marka çox böyük satış əldə edəcək. Ən azından Lanvin geyinmək istəyib geyinə bilməyən xanımlar üçün bu əla şansdır.
P.S Luxury Baku-nun Facebook fan səhifəsinə burdan baxa bilərsiniz.

Dior Homme (Men) Collection

Dior-un Bakıdakı qadın geyimləri butikindən sonra indi də Baby Dior şəhərimizdə açılır.Amma hələ də hər zaman trendlə ayaqqlaşan kişilərimiz üçün Dior Homme butiki açılmayıb. Bütün bu gördüklərinizi isə siz multibrand-lərdən əldə edə bilərsiniz.Beləki, məşhur dizayner Kris Van Assche tərəfindən yaradılan bu kolleksiya həddindən artıq trendy görsənir. Mənim üçün Lanvin, krasovka istehsalında xüsusilə də, high top modellərdə bir nömrədir.Amma bu Dior Homme krasovkalar heç də Lanvin-lərdən geri qalmır. Həqiqətən usta dizyner öz işini yaxşı bilir və bu kolleksiya ilə o lux geyinməyi sevən kişilərin nəbzini tutur. Çanta və aksesuarlar da əladır, amma mənim gözlərim iPhone üçün olan o case-də qaldı. Bir sözlə yeni sezonda kişi qarderoblarına daxil olacaq möhtəşəm kolleksiyadır.

P.S Luxury Baku-nun Facebook fan səhifəsinə  burdan baxa bilərsiniz.