MTV VMA 2011

Dünən (28 avqust), Nokia Theatre Los Angeles-də MTV VMA(Video Music Award) baş tutdu. Beyonce, Britney Spears, Lady Gaga, Katie Holmes və Zoe Saldana gecənin baş qonaqları arasında idi. Lakin qonaqlar arasında əksiklər də çox idi. Məsələn, Rihanna, Blake Lively, Kristen Stewart,Robert Pattinson, Cameron Diaz,Justin Timberlake, Mila Kunis-i gözüm axtarsa da heç birini görə bilmədim. Gecənin sürprizləri isə Beyonce-un hamilə olması və Lady Gaga-nın  kişi formasında səhnəyə çıxması idi. Həqiqətən çox təəccübləndim.
Mükafatlara gəldikdə :
-Ən Yaxşı Video Mükafatı- Katy Perry-Firework
-Ən Yaxşı Qadın Video Mükafatı-Lady Gaga-Born This Way
-Ən Yaxşı Kişi Video Mükafatı-Justin Bieber-U Smile
-Ən Yaxşı Pop Video Mükafatı-Britney Spears-Till The World Ends
-Ən Yaxşı Duet-Katy Perry ft Kanye West-E.T
-Ən Yaxşı Xareoqrafiya-Beyonce-Run This World   və s.

İndi isə qonaqların seçim etdiyi geyimlərə göz gəzdirək.Gecənin ən gözəl və fərqli görsənən xanımı  heç şübhəsiz Katy Perry idi. Yeni çəhrayı saçları və biri-birindən gözəl dörd seçimi.  İlk seçimi uzaq şərq mədəniyyətindən ilhamlanaraq hazırlanmış Atelier Versace idi.Geyimə uyğun Jimmy Choo ayaqqabıları,çətiri və gülümsəməsi ilə MTV ruhunu ən gözəl təmsil etdiyini düşünürəm. Digər seçimidə üzərində adı yazılmış CD-lərdən hazırlanmış maraqlı bir geyimdir.Səhnədə ifasını isə möhtəşəm Tom Ford imzalı uzun tül donla etdi. Nəhayət mükafatları alarkən Christian Dior imzalı libas geyinən xanım Philip Treacy imzalı kvadrat papağı və Giuseppe Zanotti imzalı rəngli ayaqqabıları ilə əla görsənir.

Gecənin bir digər gözəl görsənən xanımı isə ana olmağa hazırlaşan Beyonce idi. Düzü bu günə qədər hər kəsdən gizlətməsi böyük bacarıqdır.Narıncı Lanvin libası  xanıma çox gözəl yaraşıb, lakin çox aksesuardan istifadə etməsi yersiz olub. Uzun sırğalar,böyük yaşıl daşlı üzük nəyisə amma o qolbaq həddindən artıq diqqət çəkir və yersiz detaldır.Beyonce səhnədəki performansını isə Dolce&Gabbana imzalı smoking-lə etdi.

Zoe Saldana Barbara Bui imzalı donu və ayaqqabıları ilə gözəl görsənir.

Katie Holmes-in seçim etdiyi don klassik Azzedine Alaia-dır.Ayaqqabıları isə geyimə heç uyğun deyil. Donun bənzərini xatırlasanız daha əvvəl Arzu Əliyeva da geyinmişdi(burdan baxa bilərsiniz).

Britney Spears gecənin ən pis görünən xanımları arasında idi. Moschino imzalı donu, bu don ilə geyindiyi bərbad Gina ayaqqaıları həqiqətən çox zövqsüzdür.

Nicki Minaj-a məncə söz deməyə ehtiyac yoxdur. Sanki oyuncaq maqazinidir.

Selena Gomez Julien McDonald imzalı möhtəşəm bir libas seçib. Brian Atwood marka qızılı ayaqqabıları da gözəldir,lakin yaşınan çox-çox böyük görsəndiyini düşünürəm. Bu cür gənclərin yaşına uyğun geyinməsinin daha doğru olduğunu düşünürəm.

Nəhayət Lady Gaga, gecənin ən diqqət çəkən xanımı, yenə də missiyasını uğurla tamamladı. Səhnəyə Joe Calderone imici ilə çıxan xanım hər kəsi heyrətləndirdi. Lady Gaga-nı və canlandırdığı xarakteri tanımayanlar əminəm onun həqiqətən kişi olduğunu düşünüb)).

Beləliklə, bir MTV VMA-nın da sonuna gəldik.Açığı çox da yadda qalan olmadı.Amma sürprizlər həqiqətən maraqlı idi.
P.S Luxury Baku-nun Facebook fan səhifəsinə, burdan baxa bilərsiniz.

Charlotte Olympia Fall 2011 Collection

Hər nə qədər yaz-yay 2011 koleksiyasını daha çox bəyənsəm də(burdan baxa bilərsiniz),yeni payız-qış Charlotte Olympia-ları da həqiqətən çox zövqlə hazırlanıb. Baxmayaraq ki, dünya "Louboutin"-i qadın ayaqqabılarının kralı seçdi, şəxsi fikrimcə Charlotte Olympia kolleksiyası daha maraqlı və diqqət çəkəndir. Yox əlbəttlə ki, Christian, Louboutin dünyanın ən yaxşı ayaqqabı dizaynerlərindən biridir və onu pisləmək niyyətində deyiləm, amma Charlotte Olympia kolleksiyalarını daha çox bəyəndiyimi bildirmək istiyirəm. Xüsusilə də, bir neçə il ərzində klassikləşən timeless(zamansız) modelləri xanımların incə zövqünü oxşamağa davam edir.Yeni sezon kolleksiyasında isə fərqli detallarla zənginləşdirlimiş daha çox model var.Çox təəssüf ki, keçən sezon çox bəyəndiyim qalın taxta dabanları bu sezon görə bilmədim. Blogda sizinlə ən bəyəndiyim modelləri paylaşıram, kolleksiyanın tamamına isə Luxury Baku-nun Facebook fan səhifəsindən, burdan baxa bilərsiniz.Qiymətlər isə təxmini $800-$1300(£550-£800) dəyişir.

Maserati GranCabrio Designed by Fendi

Daha əvvəl sizinlə Trussardi-nin BMW ilə (burdan baxa bilərsiniz),Bugatti-nin Königliche Porzellan-Manufaktur ilə(burdan baxa bilərsiniz) və onlarca məşhur dizaynerin Mini Cooper-la(burdan baxa bilərsiniz) olan ortaq çalışmalarını paylaşmışdım. Ümumiyyətlə,moda sektorunun avtomobil sektoru ilə hər zaman iç-içə olduğunu deməyə məncə ehtiyac yoxdur.Lamborghini-Versace,Fiat-Gucci və nəhayət son olaraq Fendi-Maserati çalışması bunlardan sadəcə bir neçəsidir.Elə bu dəfə də sizə iki lux italyan marka Fendi və Maserati-nin birgə hazırladığı yeni GranCabrio haqda danışmaq istəyirəm.

Beləki, sentiyabr ayında Frankfurt Auto Show-da təqdim olunacaq avtomobilin məhdud sayda istehsal edilməsi planlaşdırılır.4.7 litr həcimli V8 mühərriklə təhciz olunmuş Maserati GranCabrio, Fendi-nin dəbli toxunuşu ilə daha da mükəmməl və cəlbedici dizayna malik olub. Parlaq qəhvəyi tonlarındakı exterierin davamı olaraq salonun da tamamı qəhvəyi tonlarda hazırlanıb. Və detallarda əlbəttə ki, markanın sevimli rəngi olan sarıdan istifadə edilib.Bundan başqa yüksək keyfiyyətli dəridən hazırlanmış oturacaqlardakı Fendi-nin ənənəvi FF logosu da diqqəti çəkir. Eyni zamanda Fendi avtomobil üçün xüsusi məhdud sayda səyahət dəsti də hazırlayıb.Satışı və qiyməti ilə bağlı hələ dəqiq məlumat verilməsə də əminəm dəb və sürət tutqunlarının dərhal sahibi olacağı möhtəşəm avtomobillərdən biridir.

New Emporium Concept Store in Baku

Bir müddət bundan əvvəl Emporium-un Port Baku-dakı yeni butikinin açılacağı ilə bağlı sizə məlumat vermişdim(burdan baxa bilərsiniz).Nəhayət avqustun 22-də gözlənilən an gəlib çatdı və Bakının ən böyük multibrand butiki açıldı.Beləki, 2500 kvadratmetirlik ərazini əhatə edən 3 mərtəbəli mağazada dünyanın ən məşhur brendlərinin və gənc dizaynerlərinin geyimləri ilə bərabər parfum və kosmetika məhsulları eləcə də kitab,musiqi və incəsənət əsərləri əldə etmək mümkündür.

Çöldən quraşdırılmış nəhəng vitrinlər və monitorlardan fərqli olaraq butikin interieri daha sadə və minimalist dizayn olunub.Diqqəti daha çox kolleksiyaların çəkməsi üçün mağazanın hər tərəfində ağ rəngin hakimiyyətinə üstünlük verilib. Bu da alış-veriş edərkən gözün yorulmaması və geyimlərin rənginin daha rahat seçilməsi üçün əla ideyadır.

Harvey Nichols,Bergdorf Goodman,Barneys kimi dünyanın ən böyük department store-larını xatırladan yeni Emporium-da əminəm shopping etmək daha rahat və əyləncəli olacaq. Hələ illərdir Emporium-dan aldığımız Prada, Fendi, Dsquared2, Balenciaga, Balmain, Stella McCartney, Marc Jacobs, Chloe, Michael Kors, Alexander McQueen kimi markaların yanına Tory Burch, Christopher Kane, Carven, Haute Hippie, Dries Van Noten, Carlos Miele,Givenchy, Roland Mouret, Herve Leger,Derek Lam, Simon Spurr, Thom Browne kimi dünyaca məşhur yeni markaların da əlavə olunduğunu düşünsək, bu modern məkan shopaholic-lərin ilk alış-veriş adresi olacağına heç bir şübhə qalmır.
Ölkəmizə yeni marlakarı gətirdiyi üçün və moda sektoruna yeni bir anlayış qazandırdığı üçün Emporium-a təşəkkürlər.Daha çox foto üçün Luxury Baku-nun Facebook səhifəsinə burdan daxil olun.
Emporium ilə bağlı daha ətraflı məlumat üçün bura daxil olun.

Leyla Aliyeva's Victoria Beckham Bags

Victoria Beckham-ın ilk kolleksiyalarını imitasiya olduğunu düşündüyüm üçün heç bəyənmirdim,lakin son payız-qış kolleksiyası çox fərqli və özünəməxsusdur.(Daha ətraflı fikirlərimə burdan baxa bilərsiniz).Xanımın dizayn etdiyi   geyimlər qədər çantaları da diqqət çəkir. Hər birinin cəlbedici rəng və dəri seçimi olan bu çantalar xüsusilə də sadə və klassik formaları ilə seçilir.Çantaların bir müsbət çəhəti isə üzərində logo olmamasıdır. Məncə heç bir logo-ya ehtiyac da yoxdur,çünkü hər biri formaları ilə asanlıqla hansı marka olduğunu bildirir.Elə 100-lərcə Hermes çantanın sahibi olan bir xanımdan da bu cür timeless(zamansız) və ikonik çantalar gözləmək olardı.Qiymətlərə gəldikdə ən sadə dəridən olan modellər təxmini $1800-dan başlayır.

Victoria Beckham S/S and F/W 2011 Bags

Satışa çıxması ilə tükənməsi bir olan çantaları dünyanın ən zəngin xanımları dərhal öz qarderoblarına əlavə edir.Bizim cəmiyyət həyatında da ilk olaraq Leyla Əliyevanın Victoria Beckham dizayn çantaları götürdüyünü görmək olar.Leyla xanımın seçim etdiyi model forma olaraq Chanel 2.55-ə  bənzəsə də, şəxsi fikrimcə daha üstündür. Nəzərə alsaq ki, Azərbaycanda keçirilən tədbirlərdə hər 5 xanımdan 4-ü Chanel 2.55 götürür,Victorianın bu modeli bizim xanımlar üçün həqiqətən əla əvəzləyicidir. Leyla xanımın seçim etdiyi birinci çantanın krokodil dərisi olub olmadığını fotolardan dəqiq görə bilmirəm. Xanımın seçim etdiyi ikinci çantanı isə daha çox bəyəndim. Yenə də exzotic dəridən hazırlanmış bu çəhrayı çanta Leyla xanıma həqiqətən çox yaraşıb.Istifadə olunan çəhrayı dəri kərtənkələ(lizard) dərisidir.Ümid edirəm,Azərbaycan xanımlarını daha çox bu cür gözəl seçimlərlə görə biləcəyik.

P.S Luxury Baku blogunun Facebook səhifəsinə  burdan daxil ola bilərsiniz.

poll by twiigs.com

Mark McNairy Shoes

Bu gün diqqətimi Mark McNairy adlı bir marka çəkdi. Daha əvvəl adını heç eşitməmişdim. Biraz araşdırdım və ayaqqabılarını həqiqətən çox bəyəndim. Əsası 2008-ci ildə Mr Mark McNairy tərəfindən qoyulan bu amerikan marka klassik kişi ayaqqabılarındakı modern cizgiləri ilə digər markalardan seçilir. Əminəm qısa zamanda çox böyük uğur qazanacaq. Qiymətlərin də normal olduğunu nəzərə alsaq(təxmini $300-$500),yeni sezonda qarderoblara daxil olmaq üçün heç bir əngəl qalmır.

$385

$420

$340

$385

$430

$320

Montblanc’s Limited Edition Ruby Set for Ramadan

Montblanc Ramazan ayına özəl olaraq bu dəbdəbəli komplekti təqdim edir.Tamamı  briliyant və yaqutla bəzədilmiş bu dəst: qələm,saat və qol düymələrindən ibarətdir. Dünyada sadəcə bir ədəd istehsal olunan bu nadir parça Montblanc-ın Dubai Mall-dakı butikində satışa çıxarılacaq. Təkcə saatda istifadə olunmuş 360 ədəd daşın ümumi çəkisi 2,767 karatdır.Şəxsən mən bəyənmədim,amma əminəm Ərəb şeyxlərinin ürəyincə olan bir hədiyədir.

The Simpsons Go to Paris Exclusive for Facebook Fan Page

Əziz oxucularım, Blogda paylaşdığım fotolarla bərabər bir çox əlavə moda çəkimlərini,yeni reklam kompaniyalarını Luxury Baku blogunun Facebook Fan Səhifəsindən izləyə bilərsiniz.(burdan baxa bilərsiniz)

Elə "The Simpsons Go to Paris"-in digər fotolarına da exclusiv olaraq Luxury Baku-nun FB fan səhifəsindən baxa bilərsiniz.Ümid edirəm səhifəni bəyənib dostlarınızla da paylaşarsınız.Eyni zamanda mənə təkliflərinizi,suallarınızı da burdan bildirə bilərsiniz.

Luxury Baku Facebook Fan Səhifəsini bəyənmək üçün buraya daxil olun.

Vera Wang's new Beverly Hills House

Məşhur dizayner Vera Wang Beverly Hills-də özünə möhtəşəm bir malikanə aldı.Vaxtının çoxunu Los Angeles-də keçirən Vera Wang hər tərəfdən şüşələrlə əhatə olunmuş bu modern ev üçün $10 million pul xərcləyib.Nəzərə alsaq ki, hər bir amerikan gəlinin ilk arzusu evlənərkən Vera Wang imzalı gəlinlik geyinməkdir və bunların yarısı belə bunu reallaşdırsa, dizaynerin bu qiymətə ev alması normaldır.

Beləki, son dərəcə lux evin geniş və işıqlı qonaq otağı,iş otağı,4 yataq otağı,SPA, açıq və qapalı hovuzları var. İnsanda yüksək əhval-ruhiyə yaradan bu cür evdə yaşamaq əminəm hər kəsin arzusudur.

Romantic Wedding of Kate Moss(Vogue September)

Vogue sentiyabr nömrəsi həddindən artıq maraqlı və həyəcanlandırıcıdır. Qapağda möhtəşəm Alexander McQueen imzalı libası ilə Kate Moss, iç səhifələrdə isə bu yaxınlarda baş tutan  toyunun görüntüləri,məncə bu qədər detal yeni nömrəni almaq üçün kifayət edər.Açıq havada baş tutan möhtəşəm toyun hər bir görüntüsünü məşhur fotoqraf Mario Testino çəkib.

Toyun nağıllardakı kimi olması üçün ən incə detallar belə fikirləşilib. Sadəcə bu oturacaqlara və masaya baxanda belə nə demək istədiyim əminəm aydınlaşır.

Yeni həyat yoldaşı ilə ağac altında çəkilmiş bu romantic fotonu isə daha çox bəyəndim.

Əlbəttəki, moda dünyasının şahzadəsi evləndiyində toyun qonaqları da ən az Met Gala-dakı kimi olur. Christian Louboutin-dən Marc Jacobs-a,Daphne Guinness-dən  Stella McCartney-ə,Carine Roitfeld-dən Jude Law-a hər kəs Kate Moss-un dəvətliləri arasında idi. Modellərdən isə yalnız Naomi Campbell və Lara Stone-u görə bildim.

Bu möhtəşəm toyu Vogue ilə əbədiləşdirdiyi üçün Anna Wintour təbrik etmək lazımdır.