New Sneakers Trend

Celebrity Wearing High Wedge Sneakers

Yəqin ki, son bir neçə sezondur gördüyünüz bu dəbdəbəli yüksək daban krasovkaların məşhurluğu sizin də diqqətinizi çəkir. Öz unikal görünüşü, fərqli rəng və çeşidləri ilə modasevər xanımların qarderobuna sürətlə daxil olan bu sneaker-lər həm çox rahat, həm də gizli dabanı sayəsində boy problemi olub, düz ayaqqabı geyinməyə çəkinən xanlmlar üçün idealdır. "Bəs bu modeli bütün dünyada bu qədər məşhurlaşdıran nədir?" sualını versəniz sizə Beyonce-un "Love On Top" klipindəki, İsabel Marant sneaker-lərlə göstərdiyi möhtəşəm performansı xatırlatmaq istəyərəm.  Beləki, həmin klipdən sonra gördüyünüz bu model krasovkalar bütün online mağazalardan və butiklərdən sürətlə tükənməyə başladı. Gisele Bundchen, Miranda Kerr, Kate Bosworth,  Anne Hathaway və Rosie Huntington Whiteley kimi dünya ulduzları da bu krasovkalara biganə qala bilməyən xanımlar arasındadır.

Beyonce's High Wedge Sneakers

Əlbəttə ki, bu tərz krasovkalar dünya trendini izləyən Azərbaycan xanımları arasında da artıq kifayət qədər populardı. Bakıda isə Minelli butiklərində bu krasovka-ların müxtəlif rəng, model və çeşidlərini əldə etmək mümkündür. Əsası 1972-ci ildə qoyulan Fransız ayaqqabı və çanta istehsalçısı olan Minelli, bu model sneakers-ləri istehsal edən çox az markadan biridir. Dünyada 200-dən çox butiki olan bu yüksək keyfiyyətli dəri istehsalçısının, Bakıda da artıq 2  butiki fəaliyyət göstərir.

Minelli High Wedge Sneakers

Küçə modası həvəskarları sayəsində, bu praktik ayaqqabıların hələ uzun müddət dəbdə qalacağını nəzərə alsaq, məncə mütləq hər xanım ən qısa zamanda bu sneaker-lərdən əldə etməlidir.  Əgər siz də yeni il ərəfəsində qarderobunuza bu model krasovkalardan əlavə etmək istəsəniz, Minelli butikinə baş çəkməyi məsləhət görürəm.
P.S Luxury Baku blogunu Facebook-dan da izləmək üçün buraya daxil olun.

Leyla Aliyeva in Monique Lhuillier

Bilirəm uzun zamandır ki, yeni məqalələri sizinlə paylaşmağımı gözləyirsiniz. Baxmayaraq ki, buna hal-hazırda elə də vaxtım yoxdu, lakin bu şəkli gördüyümdə mütləq bir yazı yazmalı olduğumu düşündüm. Fotonun hansı tədbirdən olduğu ilə bağlı bir məlumatım yoxdu, amma görünən həm Leyla Əliyevanın, həm də əkizlərin çox şık olduğudur. Smokinqləri hər iki junior-a da çox yaraşıb, həqiqətən çox şirin görünürlər :) Leyla xanım isə Monique Lhuillier libası ilə möhtəşəm görsənir. Geyim markanın 2011 yaz-yay kolleksiyasındandır. Donun fərqli kəsimi, rəngi və üzərindəki qızıl gül printləri ziyafətlər və qırmızı xalça törənləri üçün idealdır. Xanımın bu günə qədər ki, ən gözəl seçimlərindən biridir. Leyla xanımı daha çox tünd rəngli geyimlərdə görsək də, bu cür rənglərin ona daha çox yaraşdığını düşünürəm, və ümid edirəm  bundan sonra daha çox rəngli seçimlər edəcək.

Beləki, eyni donu daha əvvəl aktrisa Thandie Newton BAFTA 2011 qırmızı xalça törəninə geyinmişdir.  Bundan başqa, Taylor Swift də Monique Lhuillier marka eyni libası öz Wonderstruck Enchanted adlı parfüm reklamının çəkilişlərində  istfadə edib. Geyim hər üç xanıma da çox yaraşıb.
P.S Luxury Baku blogunu Facebook-dan da izləmək üçün buraya daxil olun

The Bentley Suite at St Regis New York Hotel

St.Regis Hotel

St. Regis New York Hotel-ində yeni suiti istifadəyə verməyə hazırlaşır. Beləki, lux ingilis avtomobil istehsalçısı olan Bentley-nin şərəfinə  hazırlanan suit-də markaya məxsus ikonikləşmiş detallara rast gəlmək mümkündür. 160 kvadrat metir sahəsi olan otaqda, Bentley-nin hər avtomobillində istafadə edilən yüksək keyfiyyətli dəri və ağac materilarından istifadə olunub. 15-ci mərtəbədə yerləşən və növbəti aydan istfadəyə verilməsi planlaşdırılan Bentley suit-ində bir gecə keçirmək üçün 9500 dollar ödəmək lazımdır.

St. Regis Hotel's  Bentley car for luxury service.

Bentley Suite

Beləki, Starwood hotellər qrupuna daxil olan St. Regis daha əvvəl Fifth Avenue hotelində Dior və Tiffany suitlərini, Florensiya və Roma hotellərində isə Bottega Veneta suitlərini istifadəyə vermişdir. Şirkət daha bir çox dizayner suitləri planlarının olduğunu və növbəti illərdə bunu inkişaf eləyəcəklərini bildirib.
P.S Luxury Baku blogunu Facebook-dan da izləmək üçün buraya daxil olun
Photos: Oliver Mark / Agentur Focus

Dior Suite

Dior Suite

Bottega Veneta Suite

Bottega Veneta Suite

Bottega Veneta Suite

Must Have Boglioli Blazers Fall 2012

Payız aylarında tam formal olmayan, həm cins, həm də klassik şalvarlarla rahatlıqla geyinə biləcəyim pencək almaq qərarına gəldim. Lakin, qərara gəlmək işin ən asan qismidir. Dünyanın ən böyük markalarının kolleksiyalarını axtarıb-araşdırsam da, istədiyim modeli çox çətinliklə tapa bildim. Lanvin yox, Givenchy yox, Burberry yox, Gucci  o da yox.............. Boglioli aha... Boglioli-də 100% istədiyim bir modeli taparam. Elə tapdım da, amma bəyəndiyim bir yox, markanın onlarla modeli oldu. Bu dəfə də hansını seçəcəyimə qərar vermək problemi ortaya çıxdı. Çünki, pencəklərin hamsı biri-birindən gözəldir, ən əsası isə funkisonaldır. İstənilən şalvar modeli ilə rahatlıqla uyğunlaşdırmaq mümkündür. Yüksək keyfiyyətli materiallardan hazırlanmış müxtəlif rəng və kəsimləri olan bu pencəklər dəblə geyinməyi sevən hər kişinin qarderobunda mütləq olmalıdır. Qiymətlərə gəldikdə isə yuxarıda adlarını saydığım markaların pencəklərindən daha keyfiyətli olmasına baxmayaraq daha ucuzdur. Ortalama 575-995 pound(təxmini 720-1250 AZN) arasındadır.
P.S Luxury Baku blogunu Facebook-dan da izləmək üçün buraya daxil olun

Stella McCartney Obssesion of Azerbajani Ladies

Gənc ingilis dizayner, Stella McCartney xüsusilə son bir neçə il ərzində dünyanın ən sayılıb-seçilən dizaynerlərindən biri olmağı bacardı. Əfsanəvi Beatles qrupunun solisti Paul McCartney-in qızı olmasına baxmayaraq, Stella hər zaman öz uğurları ilə bütün moda dünyasının rəğbətini qazanmışdır. İlk olaraq Chloe, daha sonra Christian Lacroix üçün çalışan Stella öz imzası ilə ilk kolleksiyanı 2001-ci ildə təqdim etmişdir. Dizayner uzun illərdir Adidas ilə uğurlu işbirliyi edir, bundan başqa son olimpia oyunlarında Böyük Britaniya komandasını geyindirmək şərəfi də məhz ona məxsusdur. Təbii ki, onun ugurlarını saymaqla bitirmək olmaz, mənim bu yazını yazmağda əsas məqsədim isə Azərbaycan xanımlarının Stella McCartney sevgisidir. Beləki, müxtəlif tədbirlərdə,  açılışlarda və kokteyllərdə xanımlarımızı bu markanın donlarında görmək mümkündür. Elə bütün dünyada çox bəyənilən yaz-yay 2012 kolleksiyası da bizim cəmiyyət həyatının qarderobundan yan keçmədi. Beləki, ilk olaraq Arzu Əliyevanı Stella McCartney donu ilə görürük, eyni donu daha əvvəl Rosie Huntington Whitley də geyinmişdir. Arzu xanım geyimini Nina Ricci Ondine Agneau çantası və sadə aksesuarları ilə çox uğurla tamamlamışdır. Rosie isə geyimini nazik qara kəməri, Alexander Wang ayaqqabıları və ağ Hermes çantası ilə tamamlamışdır. Hər nə qədər bu çantanın geyimə uyğun olmadığını düşünsəm də, ümumi görüntü çox uğurludur, xüsusilə də geyim ilə incə kəməri çox bəyəndim. Hər iki xanım da çox sadə və dəbli görsənir.

Növbəti Stella McCartney seçimini isə Mehriban Əliyeva etmişdir. Həqiqətən çox gözəl seçimdir. Geyimin elektrik göy rəngini çox bəyəndim, xanıma da çox gözəl yaraşıb. Chanel çantası və sadə ayaqqabı seçimi ümumi görüntünü uğurla tamamlayır. Donun İngiltərədə satış qiyməti 1378 pound-dur.

Sezonun digər Stella-ları. Markanın yeni sezon kolleksiyasını Emporium mağazalarından əldə edə bilərsiniz.
P.S Luxury Baku blogunu Facebook-dan da izləmək üçün buraya daxil olun

Leyla Aliyeva in Roland Mouret Yellow Dress

Leyla Əliyeva-nı müxtəlif zamanlarda Roland Mouret-in donlarında görmüşük. Xanım bu dəfə də Baku jurnalı üçün, markanın yeni kolleksiyasından olan sarı rəngli libası seçdib. Öz xüsusi kəsimləri ilə seçilən Roland Mouret, xanımların ən sevimli markaları arasında ilk sıralarda yer alır. Beləki, eyni donu daha əvvəl Christina Aguilera da  The Voice yarışmasına geyinmişdir. Geyim hər iki xanıma da çox yaraşıb. Leyla Əliyavanın aksesuarlarını isə çox bəyəndim, xüsusilə də üzüyünü.

P.S Luxury Baku blogunu Facebook-dan da izləmək üçün buraya daxil olun

New Ferragamo Store in Baku

Bir neçə ildir ki, ölkəmizdə fəaliyyət göstərən italyan marka Salvatore Ferragamo artıq yeni ünvanda daha böyük və daha gözəl bir butiklə fəaliyyətini davam etdirəcək. Əvvəlkindən fərqli olaraq yeni butikdə həm kişi, həm də qadın geyimləri bir yerdə təqdim olunur. Yeni butikin dizaynını həddindən artıq çox bəyəndim və ən qısa zamanda baş çəkmək üçün səbirsizlənirəm. Xüsusilə də gecə vaxtı vitrinlər çox möhtəşəm görsənir.

photo source: www.1news.az

New Stores Opened at JW Marriott Absheron Hotel

Daha əvvəl də dediyim kimi, dünyanın ən böyük markaları biri-birinin ardınca şəhərimizdə öz butiklərini açırlar. Beləki, Bakıda açılmaqda olan 5 ulduzlu hotellər bu işi daha da sürətləndirir. Bir müddət bundan əvvəl möhtəşəm Marriott hotelin inşaatı tamamlandı və hotel tam olaraq istifadəyə verildi. Hoteldə dünya standardlarına cavab verən lux otaqlar, restoranlar, barlar, spa mərkəzləri və bir çox digər xidmətlər də mövcuddur.

 Bununla yanaşı hotelin Neftçilər prospektinə baxan hissəsində açılmış olan yeni markalar bizi daha da sevindirdi. Bunlar arasında əvvəl də dediyim kimi dünyaca məşhur alman dizayner Phillipp Plein (markanın açılışı ilə bağlı əvvəlki posta burdan baxa bilərsiniz), yüksək keyfiyyətli parça(xüsusilə də kaşmir) və dəridən hazırlanan geyim və aksesuarları ilə tanınan İtalyan marka Brunello Cucinelli, bir müddət bundan əvvəl 28 May-dakı butikini bağlayan lakin Marriott hoteldə yenidən açmağa hazırlaşan dünyanın ən sevilən ayaqqabı markalarından biri Sergio Rossi və nəhayət məni ən çox sevindirən, Azərbaycanın ən böyük multibrand butiklərindən biri olan Avenue sadəcə kişilər üçün açdığı yeni butiki. 

İlk olaraq Brunello Cucinelli ilə  başlamaq istəyirəm. Markanın tezliklə şəhərimizdə açılacağına əmin idim.    Bunun əsas səbəbi ölkəmizdə yüksək keyfiyyətli məhsulları ilə seçilən markalara xüsusi rəğbətin olmasıdır. Məsələn bir müddət bundan əvvəl lux kaşmir istehsalçısı olan və yüksək keyfiyyətli məhsulları ilə seçilən Loro Piana Rəsul Rza küçəsində butik açmışdır. Elə Brunello Cucinelli də bir baxıma çox bənzər markadır. Hər iki markada da soft rənglərin hakimiyyətini görmək elə də çətin deyil. Əsas ünsür isə lux geyimlərin belə bu qədər rahat və praktik olmasıdır. 

Söz açmaq istədiyim növbəti butik isə Avenue-nin sadəcə kişilər üçün hazırladığı möhtəşəm multibrand mağazasıdır. Əvvəlki butikdə kişilər üçün kifayət qədər  yer olmadığı üçün yenisinin açılması məni çox sevindirdi. Dizaynında istifadə olunan parlaq mebel, yüksək keyfiyyətli dəri oturacaqlar, işıqlandırma və naxış elementləri olan şüşə ara kəsmələr burada ultra-lux atmosfer yaradıb. Hətta Emporium Port Baku-nun minimalist dizaynını hər nə qədər bəyənsəm də, bu store daha çox xoşuma gəldi. Ən əsası isə hər markanın geyimlərinin ayrı-ayrı sərgilənməsidir. Ən azından butikə daxil olduqda istədiyin markanı rahatlıqla tapıb, geyimlərinə göz gəzdirmək olacaq. Markalara gəldikdə,  Bottega Veneta, Dior, John Richmond, Yves Saint Laurent, Sergio Rossi, Santoni və Loro Piana kimi dünyanın ən böyük markalarının kişi klleksiyaları təqdim olunur. Xüsusilə də Bottega Veneta(kişi dəri aksesuarları və ayaqqabılarını markanın Rəsul Rza küçəsindəki butikindən də əldə etmək olar lakin kişi geyimləri yalnız Avenue-da satılır), YSL(yanılmlramsa sadəcə Avenue-dan əldə etmək mümkündür.) və Dior Homme(həm Avenue, həm də Emporium-dan əldə etmək olar.) üçün bu butikə baş çəkməyə dəyər. 

P.S Luxury Baku blogunu Facebook-dan da izləmək üçün buraya daxil olun.

Photo Source: tonych_inc(skyscrapercity), president.az, Philipp Plein Facebook Page, Brunello Cucinelli Facebook Page, Avenue Man Facebook Page.

Philipp Plein Baku Store Opening

Uzun çəkən ayrılıqdan sonra yenidən birlikdəyik. Mənə göndərdiyiniz email-lərdən də çox darıxdığınızı bilirəm. Mən də yay tətilimdə əlimdən gəldiyi qədər çox xəbəri sizinlə bölüşməyə çalışacam. Son bir neçə ayda şəhərimizdə tədbirlər biri-birinin ardınca baş tutur. Çox təəssüf ki, bunları sizinlə paylaşmağa vaxt tapa bilmədim. Elə ilk yazıma da onlardan biri ilə başlamaq istəyirəm. Yəqin ki, Bakı Marriott hoteldə açılmış markalardan xəbəriniz var. Philipp Plein, Brunello Cucinelli, Avenue Man və Azərbaycan bazarına yenidən qayıdan ayaqqabı markası Sergio Rossi (xatırladım ki, bir müddət bundan əvvəl marka 28 May-dakı butikini bağlamışdı). Hoteldə açılmış markalar haqqında ətraflı daha sonra yazacam, amma ilk olaraq Philipp Plein haqqında yazmaq istəyirəm. Açılış şərəfinə təşkil olunmuş kokteylə Azərbaycan cəmiyyət həyatının xanımları və bəyləri ilə birlik də, dizaynerin özü də qatılmışdı.

Markanın Bakıda bu qədər tez açılacağını gözləmirdim. Baxmayaraq ki, dünyanın ən böyük markaları biri-birinin ardınca şəhərimizdə özünə yer edir, yenə də Philipp Plein-in açılması sürpriz oldu. Hər nə qədər dizaynerin geyimlərini çox bəyənməsəm də, şəhərimizdə görmək hər kəs kimi məni də sevindirdi. Butikin öz dizaynına gəldik də, həqiqətən möhtəşəm bir iş ortaya çıxıb. Xüsusilə də, markanın ikonik simvolu olan skelet kəlləsinin qaşlarla bəzədilmiş maketi çox xoşuma gədi. 

İndi isə geyimlərə göz gəzdirək. Demək olar ki, qonaqların əksəriyyəti Philipp Plein marka geyim və aksesuar seçmişdi. Çox təəssüf ki, markadan nəsə seçmək məqsədiylə, bir çoxu səhv parçarı bir yerə gətirmişdi ki, bu da ortaya qarma-qarışıq bir görüntü çıxarmışdı. Bundan başqa qonaqlar arasında yeni sezon kolleksiyalarından nəzərə çarpan heç nə görəmədim. Onun yerinə bol-bol logolu, kəmərlər var idi. Moschino, Christian Dior, Hermes, Louis Vuitton və s. Uzun sözün qısası, seçimini nisbətən bəyəndiyim çox az xanım və bəy oldu. Aşağıdakı fotoda onlardan bəzilərini görə bilərsiniz.

1.İlk olaraq Zülfiyyə Xanbabayeva-nın seçimini bəyəndim. Xanımın seçim etdiyi don həm yaşına, həm də dəri rənginə çox yaraşıb. Nisbətən kök xanımların seçim etməsi üçün gözəl nümunədir.
2. Xanımın üzərində gördüyünüz geyimi də çox bəyəndim. Hər nə qədər tədbirə uyğun olmasa da. Yenə də çox yaraşdığını düşünürəm.
3. Əslində 3-cü fotodakı xanımın seçimini bəyənib-bəyənməmək arasında qaldım. Ağ donu, üstünə geyindiyi çəhrayı satin gödəkçəsi və tamamladığı Moschino kəməri ilə gözəl görsənir. Ayaqqabılara da pis demək olmaz. Ən azından rəngində problem yoxdur. Lakin rəngini heç bəyənmədiyim saatı, kəmərin üstünə qədər gəlib-çıxan boyunbağısı, eynəyi, böyük halqa sırğaları tamamilə artıq detallardır. Yenə də, digər qonaqların çoxuna baxanda normal seçimdir.
4. Bəlkə də seçimini ən xoşuma gələn xanım məhz 4-cü fotodakı xanımdır. Çox təəssüf ki, geyimini tam olaraq görə bilmirəm. Amma gördüyüm o möhtəşəm eynək, donun çiyin hissəsindəki strong-shoulder effekti yaradan lakin bir o qədər də zərif detalı, məni seçimin tamamının gözəl olduğuna əmin edir. Ən əsası isə bütün bunların xanıma çox yaraşmasıdır.
5. Daha bir bəyəndiyim seçim isə gördüynüz xanıma aiddir. Roland Mouret marka donu, Chanel çantası və YSL ayaqqabıları sadə və gözəl görsənir.
6. Hər nə qədər gənc xanımların Hermes Birkin-lərdən uzaq olması tərəfdarı olsam da, bu xanımın seçimi deyəsən məni fikrimdən daşındıracaq. Krokodil dərisi yaşıl çantanın rənginin gözəlliyini sözlə ifadə etmək çox çətindir. Həqiqətən çox bəyəndim. Ümid edirəm xanım eyni rəngdə kəmər vəya ayaqqabı seçərək bu gözəl rəngi adiləşdirməyib. Çox təəssüf ki, bizim xanımların çoxunda bunu görmək olar. Xanımın yanındakı bəyin də seçimini çox bəyəndim. Sadə və tədbirin konseptinə çox uyğunlaşdığını düşünürəm.
7. Bu fotodakı xanımın da seçimi çox zərif və gözəldir. Hətta bu sadəliyi onu tədbirin ən gözəl seçim etmiş xanımlarından biri edir. Hər nə qədər bu tədbirdə cins, t-shirt və pencək seçim etmiş kişiər daha uğurlu olsalar da, gördüyünüz fotodakı bəyin seçimi də, ona çox yaraşıb. Ən azından rəng olaraq sezona uyğun olduğu üçün pis demək olmaz.
8. Dizaynerin seçimi də pis deyil.

Seçimlərini bəyənmədiklərim haqqında bir söz demək istəmirəm, çünki, bunu yazmağa 3 gün 3 gece lazımdır. Ən yaxşısı bəzi fotoları sizinlə paylaşım. Digərlərinə isə burdan baxa bilərsiniz. Qərarı siz özünüz verin. Ümid edirəm bu cür tədbirlər daha çox olar, və yavaş-yavaş xanımlarımız və bəylərimiz necə düzgün geyinmək lazımdır öyrənər.
P.S Luxury Baku blogunu Facebook-dan da izləmək üçün buraya daxil olun.

Photo Source:  Phillip Plein Baku Facebook Page,  Boutique Baku Magazine Facebook Page,  Passage Magazine Facebook Page and emsybax (skyscrapercity)
Note: Yuxarda gördüyünüz fotolar press də çıxdığı üçün xəbər də istifadə edilmişdir. Yazılmış fikirlər tamamilə şəxsi fikrimdir və tamamilə geyimlər və seçimlər ilə bağlıdır. Heç kəsin şəxsiyəti ilə bağlı heç bir fikir yoxdur.